Navigation
കഥകളി പദങ്ങൾ
അരങ്ങേറ്റം (അടിസ്ഥാന കാര്യങ്ങൾ)
ആട്ടക്കഥകൾ
അഭ്യസനം
Syndicate
പദം 1
സുഹ്യത്തേ
രാമ, പണ്ട് ഖിന്നതയില്ലാതെ ബാലി ദുന്ദുഭിയെ എടുത്തെറിഞ്ഞല്ലൊ. ഇന്ന്
അവിടുന്നും അതുചെയ്തു.എന്നാല് എനിക്ക് വിശ്വാസമായില്ല. അതിബലവാനും
ധൈര്യശാലിയുമായ എന്റെ ജേഷ്ഠനായ ബാലി കൈത്തരിപ്പുതീര്ക്കുവാനായി ചെന്ന്
താഡനം ചെയ്യുന്ന ഏഴുമരങ്ങളാണീ കാണുന്നത്. ഉയര്ന്ന ശാഖകളോടുകൂടിയ ഇവയില്
ഒന്നിനെ ഭവാന് മുറിച്ചാല് കൊള്ളാം.എന്നാല് ഇതു മടികൂടാതെ ചെയ്യാന്
അങ്ങ് ബാണത്തെ അയക്കണം.
രാഘവ സഖേ വാക്കു കേള്ക്ക മമ വീരാ
ദുന്ദുഭി തന്നുടെ കായവിക്ഷേപണം
അന്നുഖിന്നോപിചെയ്തല്ലൊ ബാലി
മന്നവ നീയതിനെ മോദേനചെയ്തതിനു
ഇന്നി മമ വിശ്വാസം വന്നതില്ലല്ലൊ
ബാലി മമ സോദരന് ഭീമബലധൈര്യവാന്
ബലമിയലും കയ്യൂക്കു കട്ടുവതിനായ്
സാലന്തികം പുക്കു താഡനം ചെയ്തുടന്
കൈത്തരിപ്പടക്കീടും സാലമിതല്ലൊ
ഉന്നതശാഖങ്ങളായ സാലങ്ങളില്
ഒന്നിനെ ഭേദിക്കവേണം ഭവാന്
എന്നാലതിനു മടികൂടാതെ ചെയ്വതി-
നുന്നിശ്ശരത്തെ നീ യാത്രയാക്കേണം
